Best WordPress Theme based on Material Design - Materialize is a freemium WordPress theme developed by myThem.es

Vindur og vissa- á tímaflakki um Evrópu

by Ása Sjöfn Lórensdóttir

Söngsveitin Fílharmónía blæs til vortónleika 16. apríl kl. 20.00 í Langholtskirkju. Flutt verður tónlist “a capella” eftir tónskáld frá ýmsum Evrópulöndum. Farið verður vítt og breytt um tónlistarstefnur, allt frá síðustu árum endurreisnar til vorra daga og innihalda textarnir gjarnan hugleiðingu um lífið. Yfirskrift tónleikanna „Vindur og vissa“ vísar í ljóð eftir einn kórfélagann, Davíð Hörgdal Stefánsson, þar sem spurningum um lífið og tilveruna er velt upp. Magnús Ragnarsson stjórnandi kórsins samdi lagið við ljóðið sem frumflutt verður á tónleikunum.

Miðar á tix.is

Frítt er fyrir börn 14 ára og yngri

Aðventutónleikar

by Hólmfríður Steinþórsdóttir

Þann 27. nóvember 2022, fyrsta sunnudag í aðventu, heldur Söngsveitin Fílharmónía aðventutónleika ásamt Hallveigu Rúnarsdóttur sópransöngkonu og Elísabetu Waage hörpuleikara. Á tónleikunum mun hljóma fjölbreytt aðventu- og jólatónlist frá ýmsum tímum, bæði íslensk og erlend. Meðal annars mun kórinn frumflytja nýtt verk eftir Tryggva M. Baldvinsson tónskáld. Stjórnandi kórsins er Magnús Ragnarsson.

Miðasala er á tix.s – smelltu hér til að kaupa miða

Aðventan og jólin

by Hólmfríður Steinþórsdóttir

Jólaóratorían eftir Bach er eitt rómaðasta tónverk jólanna og mörgum ómissandi um jólin. Söngsveitin Fílharmonía mun flytja þetta gullfallega verk í Langholtskirkju 28. desember 2022 kl. 20:00, ásamt hljómsveit og einsöngvurunum Írisi Björk Gunnarsdóttur, Hildigunni Einarsdóttur, Benedikt Kristjánssyni og Oddi Arnþóri Jónssyni. Stjórnandi er Magnús Ragnarsson og konsertmeistari er Páll Palomares.

Miðasala á jólaoratoríuna er hafin á tix.is – smelltu hér til að kaupa miða!

Jólaóratorían segir söguna af fæðingu Jesú á áhrifamikinn og hrífandi hátt með fjörugum kórpörtum, dásamlegum sálmum og gullfallegum einsöngsaríum. Sagan er síðan bundin saman af tónlesi guðspjallamannsins sem Benedikt Kristjánsson mun túlka, en hann hefur hlotið mikið lof um allan heim fyrir túlkun sína á verkum Bachs.

Áður en að þessu öllu kemur mun kórinn halda aðventutónleika, þann 27. nóvember kl 20:00, þar sem kórinn mun flytja fjölbreytta jólatónlist ásamt sópransöngkonunni Hallveigu Rúnarsdóttur.

Miðasala á aðventutónleikana er hafin á tix.is – smelltu hér til að kaupa miða!

Raddpróf þriðjudag 30. ágúst

by Hans Júlíus

Söngsveitin Fílharmónía heldur raddpróf fyrir nýja félaga í Langholtskirkju þriðjudaginn 30. ágúst nk. kl. 18. Prófið er opið fyrir allar raddir.

Söngsveitin Fílharmónía er blandaður kór og telur um 80 manns. Kórinn tekst á við fjölbreytt verkefni og söng til að mynda nú síðast í hljómleikasýningunni Hringadróttinssögu. Komandi vetrarstarf felur meðal annars í sér jólatónleika, Jólaóratóríuna eftir Bach, vortónleika og Carmina Burana eftir Orff.

Fyrirspurnir sendist á stjórnanda Fílharmóníunnar, Magnús Ragnarsson: magnus.ragnarsson@gmail.com.