Best WordPress Theme based on Material Design - Materialize is a freemium WordPress theme developed by myThem.es

Rheinberger í góðum félagsskap 14. nóvember

by Formaður

Rheinberger verður í góðum félagsskap 14. nóvember

14. nóvember næstkomandi flytur kórinn dásamlega fallega messu í Es dúr sem Joseph Rheinberger samdi fyrir tvöfaldan kór. Rheinberger var undrabarn í tónlist og aðeins 7 ára gamall var hann organisti í kirkju í sínum heimabæ í Lichtenstein. Ásamt messunni munum við færa áheyrendum verk eftir Rachmaninoff, Villette og Þorvald Örn Davíðsson.

Tónleikarnir hefjast kl 20 í Langholtskirkju. Miðasala fer fram við innganginn á tónleikadag, á Facebook síðu kórsins og hjá söngfélögum. Miðaverð er kr. 2000.

Kráarviska Fílharmóníunnar

by Formaður

Kórinn stefnir í útrás næsta sumar með þátttöku í kórakeppni í Flórens. Til að afla fjár fyrir ferðina verður haldin kráarviskukeppni (e: pub quiz) 2. nóvember næstkomandi, þar sem umfjöllunarefnið verður ýmislegt tengt einni ástsælustu kvikmynd Íslands; Með allt á hreinu. Frekari upplýsingar er að finna á Facebook viðburðinum.

 

Stuðmenn tilkynna lögreglunni um óvenjulega atburði

Mynd fengin að láni hjá www.isfilm.is

 

Kórinn í föruneyti hringsins eina

by Formaður

Það var nóg að gera hjá Söngsveitinni Fílharmóníu um helgina þegar fyrsta myndin í Hringadróttins-þríleiknum, The Fellowship of the Ring, var flutt í Hörpu með lifandi tónlist. Með okkur á sviðinu var stór sinfóníuhljómsveit, Hljómeyki, Skólakór Kársness og einsöngvarar, að ógleymdum stjórnandanum, Ludwig Wicki, sem hefur sérhæft sig í flutningi kvikmyndatónlistar og gerir fátt annað þessi árin en að stýra óskarsverðlaunatónlist Howards Shore um víða veröld. Eldborg Hörpu var troðfull af tónleikagestum þrjú kvöld í röð og miðað við fagnaðarlætin voru þeir frekar kátir. Það vorum við líka og förum bjartsýn inn í veturinn eftir að hafa komið hringnum eina áleiðis á áfangastað og rutt fáeinum orkum úr veginum.

Inntökupróf 3. september

by Formaður

Inntökupróf í kórinn verða haldin í Langholtskirkju kl. 13:00 þann 3. september 2017.  Framundan er gríðarlega spennandi starfsár, en meðal verkefna má nefna messu í Es dúr fyrir tvöfaldan kór eftir Rheinberger í nóvember, jólatónleika þar sem Oddur Arnþór Jónsson syngur með kórnum, og kórakeppni erlendis næsta sumar.  Kóræfingar fara fram í Langholtskirkju á mánudagskvöldum.

Frekari upplýsingar veitir Magnús Ragnarsson, stjórnandi kórsins, magnus.ragnarsson@gmail.com.

Þýsk sálumessa eftir Brahms

by Formaður

Þann 28. febrúar kl. 20:00 í Norðurljósum í Hörpu, flytur Söngsveitin Fílharmónía eitt mesta stórvirki kórbókmenntanna, Ein deutsches Requiem eftir Johannes Brahms. Einsöngvarar eru Kristinn Sigmundsson og Hallveig Rúnarsdóttir. Verkið er flutt í útsetningu fyrir tvö píanó og pákur. Um píanóleik sjá þær Guðríður St. Sigurðardóttir og Brynhildur Ásgeirsdóttir. Pákuleikari er Eggert Pálsson.
Söngsveitin flutti verkið með Sinfóníuhljómsveit Íslands í Háskólabíói vorið 2008, í söngför til Wrochlaw í Póllandi sama ár og nú síðast árið 2014 í Langholtskirkju. Fyrir þann flutning hlaut kórinn tilnefningu til Íslensku tónlistarverðlaunanna fyrir tónlistarviðburð ársins.

Miðaverð: 4500 kr. og fer miðasala fram á vef Hörpu.
https://www.harpa.is/dagskra/vidburdur/thysk-salumessa-eftir-brahms-songsveitin-filharmonia/